index introductio imagines partitura exemplar translatio

bibliographia e-mail

CTH 123

Exemplar --

§ 1

1 -- [ … ]-zi [ … ]

2 -- [ … ] … per[an … ]

3 -- [ … ] ... tiyazi

4 -- [ … ] ...

5 -- [ … t]uk LÚ-aš [ … ]

6 -- [k]uit=a=kkan [ … ]

7 -- [ … k]ēdaš DINGIRMEŠ-aš [ … ]

8 -- [ … -t]a [a]pūš PAP-nuandu

9 -- [ … ] ēšdu

10 -- ANA GÚ-KA=ma=tta [ … ]

11 -- [nu=]tta apūš PAP-nuandu

12 -- [ … k]ēdaš memiyanaš lenka[yaš … ] ēšdu

13 -- nu=kan GÌR-an a[rḫa … ]

14 -- [ … a]rḫa=ma tiyaši

15 -- nu=t[ta _ _ _ … ] arḫa [arn]uwandu

§ 2

16 -- [ … ] … -ši karū [ ... GIŠL]EU gulašta

17 -- [ … k]iššan li[nk]

§ 3

18 -- [ … Z]I-KA-ta … [ ... nak]kīš

19 -- [ … -a]t nakk[i- _ ]

20 -- [ _ _ ] ... memaḫḫi=ta

21 -- [ … ša]nḫiškiš[i]

22 -- [ … ] …

23 -- [ … T]I-tar ša[- … ]7

24 -- [ … ] ... ANA TI LUGAL [ … ]

25 -- [tuk/tuel=m]a=za na[mma8 lē] šanaḫti

26 -- apatt=a [ … ] ... ŠA [ _ _ š]anḫiški

27 -- kenzan aššulan [ … ] ... [ … ] ...

28 -- apatt=a memaḫḫi

29 -- [ … ]

30 -- [il]ališki=za=at

31 -- TI SIG5 [ … ] ... awan UGU

§ 4

32 -- [ … ] ... ZI-KA=ta IGIḪI.A-KA [ … ]

33 -- [ … ] ... -pašaššal=ya [ … ]

34 -- [ … ] UN-an ešun

35 -- nu=wa=mu LUGAL [ … ]

36 -- [ … -i]ššuna ēpti

37 -- n=at lē [ … ]

38 -- [ … EGIR]-pa LÚ GIBIL kišḫut

39 -- [ … ] … -rawa līk

§ 5

40 -- [ … ]

41 -- [n]u GIM-an nakkīš

42 -- [ … nakk]īš ašallu

43 -- [ … ] šakuwaššaraza [ZI-za11 … ]

44 -- [ … ] ... lē ēpti

45 -- [ … -z]ikdu

46 -- [ … lē šan]aḫti

§ 6

47 -- [ … ] … -ti marriyatari

48 -- [ … l]ē šanaḫti

49 -- [ … -z]i

50 -- zik=ma MUD [ … ]

51 -- [ … -y]anza parā [ … ]

52 -- [ … LUG]AL-aš MUD-tar lē [ … ]

§ 7

53 -- [ … ] ... mUrḫi-DU [ … ]

54 -- [namm]a=šmaš=at apūš=pat [ … ]

55 -- [ … l]ē šanaḫti

56 -- [ … k]uiš LUGAL-iznaš [ … ]

57 -- [ … d]ališkantari

58 -- [ … ] KI-an tiškat[t]ari

59 -- [ … m]ēḫuni [(...)] ... [ ... ] [ … ]

§ 8

60 -- [ … ] … … [ … ]

61 -- [ … ]-ša-[ ... ]

62 -- [ … ] … [ ... ]

63 -- [ … ] … [ ... ]

64 -- [ … ]-⌈za/un⌉

§ 9'

65 -- [ ... ] UL parā pešta

66 -- [ ... ] KUR.KUR UL GAM-an niyatta[(t/ri)]

67 -- [ … ] ešir

68 -- ammuk=ma=za URUDU-aš

69 -- [U]L=at=za kikkištari14

70 -- ANA GIŠŠÚ.AḪI.A GAL-TIM DIŠTAR=kan kuwapi KUR-eaš IZI weraza anda išḫuwāi

§ 10'

71 -- nu ammuk=ma GIM-an nakkēšta

72 -- nu=mu=za ḫantī kuwapikki ēšta

73 -- UL=mu=za GAM-an ēšta

74 -- URUNiḫiryaza=kan UL 1-aš arḫa ūnnaḫḫun

75 -- uit=mu=kan namma kuwapi LÚKÚR KUR.KUR Ḫurri arḫa ME-aš

76 -- URUAlatarme=za=kan UL 1-aš EGIR-an ešun

77 -- nu=za mān apēniššuwan mēḫur :kuwayammanza namma DÙ-ri

78 -- našma=mu=kan LÚKÚR ŠÀ KUR URU uizzi

79 -- karū=aš=kann GIM-an anda uit

80 -- našma=mu=kan ÌR kuiški GAM-an niya

81 -- nu=tta=kkan ammēl :kuwayatā parā niyaru

82 -- nu LUGAL-i [U]GU āk

83 -- GAM MĀMĪT GAR-ru

§ 11'

84 -- kiššann[=a mem]atti

85 -- kururiyaḫta=wa=mu

86 -- tēpa[waḫta=wa=mu]

87 -- nu=wa=z[a ... ]-eni aušdu

88 -- ANA DUTU-ŠI=at GIM-an [ ... ]

89 -- [ ... ]-ka4-… [ ... ] ... ḫinkan … [ ... ] … [ ... ]

90 -- [GIM-an15 i]šḫaššarwatar i[lališkizz]i

91 -- zikka=za [QĀTAMMA] išḫaššarwatar … [ ... ] ilališki

§ 12'

92 -- LÚKÚR=ya=mu kuiš kāš LUGAL K[UR Aššur GUB-a]nza16

93 -- n=aš=mu=kan mān ŠÀ KUR.URU uizzi

94 -- nu=tt[a ḫenk]an ZAG-aš ēšdu

95 -- naššu=mu IŠTU GIŠTUKUL GÙB-laḫz[i]

96 -- [našm]a=aš=mu=kan ŠÀ KUR URU uizzi

97 -- nu ANA ZI LUGAL UG[U ā]k

§ 13'

98 -- našma=mu=kan KUR.KUR kattan niyari

99 -- našma=mu MUD ŠA ÌRMEŠ anduriyaš araḫzaš DÙ-ri

100 -- ANA LUGALMEŠ GIM-an nakkeškattari

101 -- zik=ma apēdani mēḫuni GE6-in KI-an wāga

102 -- ēp

103 -- ḫenkan=ta ZAG-aš ēšdu

§ 14'

104 -- mānn=a=ta=kkan LÚ KUR URUḪatti kuiški apēdani [mēḫuni] EGIR-panda tiyazi

105 -- našma=tta karū ku[iēš] linkiyaš UNMEŠ-uš ešir

106 -- nu=tta kiššan [kuiški] memai

107 -- kē=wa mēḫur

108 -- zik=man LUGAL-i parā [lē] BAL-nuši

109 -- n[u(=) … ] zik šakuwaššaraš ki[ššan mema]tti

110 -- uda=wa [mān] DÙ-mi

111 -- namma=wa aggall[u]

112 -- [nu=wa=mu] DUTU URU[Arin]na ŠA UD.1.KAM TI-tar lē pāi

§ 15'

113 -- :alla[llan=ma] zilatiya lē šanaḫti

114 -- arḫa EG[IR-pand]a tarnaḫḫun

115 -- nu=kan :kuwayammi mēḫuni [:alla]llā lē pāši

116 -- nu=mu=kan ZI-ni marlatar [lē arnuš]i18

117 -- ANA ZI-KA=ma=za=kan LÚ-tar le ti[nnuši?]19

118 -- nu kišan lē mematti

119 -- LÚKÚR=wa=za [KUR-eaz]-YA [k]uiški arḫa tarnaš

120 -- nu=kan :kuwayami [mēḫ]uni :allallā lē pāši

121 -- INIM :allallāš=ta DINGIRMEŠ EGIR-an [u]škandu

122 -- mānn=a nakkēšzi kuwapi

123 -- zik=ma=kan KASKAL-za arḫa lē tiyaši

124 -- nu kiššan lē mematti

125 -- :allallā pāwanzi=wa=za UGU linkanuwanza

126 -- kī=ma=wa=za UL lenkanuanza

127 -- nu=kan [n]iyantari kuieška

128 -- zik=ma=kan apiya kuedaš=kan anda ḫandāši

129 -- nu kiššan mematti

130 -- apūš=wa=mu GÉŠPU-za pēḫuter

131 -- kāš=ta INIM-aš ANA MĀMĪT kattan GAR-ru

§ 16'

132 -- :allallāš=ma memiyaš kiššan

133 -- LÚMEŠ ḫappinanteš=pat UL ašiwanteškantari

134 -- našma=kan LUGAL-i KARAŠ ÉRINMEŠ LUGAL našma KUR.KUR GAM-an niyari

135 -- našma=kan LUGAL-i ENMEŠ ZI GIŠTUKUL LÚKÚR dāi

136 -- našma=at akkanzi

137 -- našma=kan ENMEŠ LUGAL-i GAM-an niyantari

138 -- našma LUGAL-un GIG-zi

139 -- našma=kan LUGAL-uš tūwali KASKAL-ši arḫa paizzi

140 -- našma=at GIM-an ašān imma :maršašša mēḫur

141 -- zik=ma :allallā pāwar 1-eda tiyawar pedi=kan wašdumar lē šanaḫti

142 -- ḫenkan=ta ZAG-aš ēšdu

§ 17'

143 -- ANA KUR.KUR-[Y]A nakkēššan

144 -- nu=mu=kan mān KUR.KUR GAM-an niyari

145 -- zik=ma :allallā pāwar 1-eda tiyawar pedi=kan wašdumar lē šanḫti

146 -- LUGAL-i GAM-an āk

§ 18'

147 -- kāšš=a=mu kuiš LÚKÚR LÚ KUR Aššur arānza IŠTU MU.KAMḪI.A GÍD.DA

148 -- arḫa=ma=kan ištantait

149 -- [n]u=mu mān GIŠTUKUL-za ḫaštalēšzi

150 -- našma=aš=mu=kan [Š]À KUR URU uizzi

151 -- zik=ma apēneššūwanti [m]ēḫuni :allalā pāwar 1-eda tiyawar [pe]d[i]=kan wašdumar lē šanaḫti

152 -- [LUGAL]-i GAM-an āk

153 -- GAM MĀMĪT GAR-ru

§ 19'

154 -- [m]ānn=mu=kan 1 KUR-TUM kuitki GAM-an niyari

155 -- [n]ašma=mu=kan ENMEŠ kuieška :allallā pānzi

156 -- [z]ik=ma=šmaš=kan anda ḫandāši

157 -- nu kiššan mematti

158 -- GEŠPÚ-aḫḫir=wa=mu

159 -- n=at lē DÙ-ši

160 -- GAM MĀMĪT GAR-ru

§ 20'

161 -- našma=at zigga mališi

162 -- aši=man=wa=kan irḫ[aš GAM-an] niyari

163 -- našma=man=wa=kan uniuš ENMEŠ :alla[lla] pānzi

164 -- ūkk=a=man=wa pēḫudanzi

165 -- n=at le šanaḫti

166 -- ÚŠ-an=ta ZAG-aš ēš[du]

§ 21'

167 -- [nu=ka]n kiššan kuit meman ḫarmi

168 -- EGIR-pa=wa=du=za [DIB-m]i

169 -- UL=wa=ta arḫa peššiyami

170 -- EGIR-pa=wa=tta [me]šzi

171 -- nu=za uttar kuwatka kuitki markiyami

172 -- [nu=ka]n mēḫur ištarna paizzi

173 -- zik=ma kiššan [mem]atti

174 -- LUGAL-uš=wa=mu=za UL ŠID-it

175 -- nu=wa kēdaš [AN]A MĀMĪT GAM-an arḫa arḫaḫaru

176 -- n=at lē DÙ-ši

177 -- [GAM M]ĀMĪT=ta GAR-ru

§ 22'

178 -- [šum]aš=ma=kan kāš memiyaš gulšan :limma

179 -- [ … ] ANA DUTU-ŠI=za aggannaš TI-annaš UN-aš ēš

180 -- zik [DAM-K]A DUMU<MEŠ>-KA ÌRMEŠ-KA ANA TI LUGAL LÚ.MEŠuškiškattalluš [LÚ(.MEŠ)ḫ]āliyattalluš ēšten

181 -- ḪUL-ui=ma=kan parā [lē] uškatteni

§ 23'

182 -- [ma-a-an-n]a LUGAL-i kuitki nakkēšzi

183 -- naššu LUGAL GIG-zi

184 -- [našm]a=kan KUR.KUR niyari

185 -- našma=kan LÚKÚR ŠÀ KUR.KUR uizzi

186 -- [nu QĀ]TAMMA :ḫiššalla

187 -- QĀTAMMA=ta :naḫḫuw[ay]adu

188 -- [ANA] ZI LUGAL UGU DAM-KA DUMUMEŠ-KA ÌRMEŠ-KA āššaw[eš] [LÚ.MEŠ]ḫaliyatalluš ašandu

189 -- ḪUL-uwaš=ma=k[an] [LÚ.ME]Šḫaliyatalluš LÚ.MEŠparā uwatallušš=a lē

§ 24'

190 -- [m]ann=a ḫatkun UD.KAM-an kuinki LUGAL-i a[u]tti

191 -- nu ANA ZI-KA DAM-KA DUMUMEŠ-KA ÌRMEŠ-KA QĀTAMMA :naḫḫūwayaddu

192 -- ANA ÌRMEŠ ŠA LUGAL=man GIM-an ANA ZI LUGAL UGU :naḫḫuwai

§ 25'

193 -- tuk=ma karū kuit kē INIMMEŠ peran GAM tiyan DÙ-nun

194 -- zikila=ya=at memiškit

195 -- imma=man=wa=šši tepu=ya kuitki ḫatkuēšzi

196 -- ŠA MUNUS=ya=mu=kan kuit GIG parā appeškit

197 -- šullannaza=war=at=za KAR-at

198 -- nu mān ANA ZI LUGAL kuitki nakkēšzi

199 -- naššu=kan KUR-TUM kuitki niyari

200 -- našma=kan LÚKÚR ŠÀ KUR URU uizzi

201 -- našma INIM GIG

202 -- našma=za ḫullanzaiš DÙ-ri

203 -- zik=ma=za=kan ZI-ni GAM-an galgalturi anda lē niyaši

204 -- nu=za ZI-ni GAM-an :ḫalwatiya lē DÙ-ši

205 -- ANA ZI LUGAL GIM-an :naḫḫūwai

206 -- arḫa=man=wa=kan ārḫi

207 -- tukka QĀTAMMA :naḫḫūwaddu

208 -- EN-YA=wa=kan edaza arḫa aru

209 -- kūn=ma=ta=kkan INIM-an ANA KASKAL URUNiḫirya ūḫḫun

§ 26'

210 -- kāšš=a=za kuiš memiyaš kišat

211 -- nu=kan ENMEŠ :pašattarmaš26 arḫa :pappašai

212 -- nu=kan BE-an ANA LUGAL ÌRMEŠ ZI akkanzi

213 -- zik=ma=za [LUGAL]-i karšiš ÌR-iš ēš

214 -- GÚ UGU lē ēpti

215 -- karū kuwapi mPU.LUGAL-aš BA.ÚŠ

216 -- zik=ma GÚ UGU IṢBAT

217 -- n=at lē ēšzi

218 -- GAM MĀMĪT=ta GAR-ru

§ 27'

219 -- [m]ānn=a LUGAL-i QĀTAMMA :kuwatai

220 -- LÚšūwaššališ=man=kan x [(_)] UL ašzi

221 -- ANŠE.KUR.RAMEŠ=man kuiš tūriyazi

222 -- man=aš UL ēšzi

223 -- É=man UL ēšzi

224 -- anda=man=aš=kan kuwapi paizzi

225 -- tuk=ma apedani meḫuni ANA ZI LUGA[L] UGU parā namma :kuwayatadu

§ 28'

226 -- man LUGAL-i QĀTAMMA=ya [nakk]ēšzi

227 -- LÚKARTAPPU=man=kan GIŠGIGIR-za GAM pittāizz[i]

228 -- [ … ] … =man=kan É.ŠÀ-za parā pittaizzi

229 -- UR.GI7 ḫ[ilann]aš=man=kan UL ašzi

230 -- ANA LÚKÚR=za IGI-an-da … [(...)] GI šiyawanzi UL KAR-mi

231 -- tuk=ma 10-ŠÚ para :kuwayatallu

232 -- kēdani memiyani DINGIRMEŠ MĀMĪT tiyandu

233 -- n=e=tta EGIR-an uwandu

§ 29'

234 -- [DIN]GIR-LUM=mu=kan lē ḫ[i- _ _ _ -i]š?

235 -- É.DINGIR-LIM=mu=kan parā [l]ē [k]uitki … [ … ]

236 -- [ … ] ... kuitki TI-annaš karši[š] … [ … ]

237 -- [m]ānn=a=kan LUGAL-uš [ … ]

238 -- [ … ] … parranda iyand[u]

239 -- [ … ]-i-za LUGAL-i-za … [ … ]

§ 30'

240 -- kēd[ani … ]

241 -- tu[k … ]

242 -- EGIR[ … ]

243 -- ku-[ … š]aku[w]ašša[raš?] ŠÀ [KUR?] GAM wal(a)ḫ

§ 31'

244 -- mānn=a=ta KUR-e kuedani uiyami

245 -- našma=tta ANA ZAG kuedani tiyanzi

246 -- nu=za=kan ANA Z[I] LUGAL āššu ilališki

247 -- ḫarnamniyaši=ma=at=kan lē

§ 32'

248 -- kuišš=aš imma UN-aš

249 -- mān=aš LÚ KUR URUḪatti

250 -- ⌈BE⌉-an=aš Š[A] KUR URU LÚMEḪRI

251 -- man=aš EGIR-zi-iš UN-aš

252 -- man=aš ZAG-aš UN-aš

253 -- nu=tta LUGAL-wa-aš ḪUL GÙB-tar kuiški udai

254 -- zik=ma=an=kan LUGAL-i lē šannat[t]i

255 -- EGIR-zzinn=a=mu memiški

§ 33'

256 -- mānn=a=du=za LUGAL-uš kuedaniki ANA [ZAG]-i⌉ parā uiyazi

257 -- īt=wa=mu aši ZAG-i=ya

258 -- z[i]k=ma pā[ši]

259 -- n=an=za=an iškiša iya-[ ... ]

260 -- [(…)] … -tu-[ … ]-ši-ta [ … ]

261 -- arḫa=ya=an iškiša … [ _ _ _ ] ... -eš DUTU-ŠI [ … ]

262 -- kuiēš UNMEŠ-uš and[a … ]

§ 34'

263 -- [na]mma=ya=tta kuiē[š … 1?-E]N LÚ ḫarw[aši? (_)]

§ 35''

264 -- [ … ] …

265 -- [ … ]

266 -- [ … -y]a

267 -- [ … ]-eš

268 -- [ … ] … ašandu

269 -- [ … ]-tari

270 -- [ … w]eriyaḫut

§ 36''

271 -- [ … ]

272 -- [n]ašma=wa=mu=za [ … ]

273 -- uk=ma=wa<r>=an [ … ]

274 -- [ … ] … UL :kuliwi

275 -- [ … ]

§ 37''

276 -- [ … -z]i

277 -- nu=wa=za kuit [ … ]

278 -- [ … a]rḫa KIN-mi

279 -- [ … ] …

§ 38''

280 -- [ … KUR URUKarand]uniyaš kišat

281 -- [ … ] INA KUR URUAššur [ … ]

282 -- [ … and]a laḫḫi[r]

283 -- [ … ] UNMEŠ-aš UL [ … ]

284 -- [ … ]-ma kuit DÙ-ri

285 -- [ … ] UL GA[L]-iš-mi

286 -- [ … ]

287 -- [n]u=tta=kkan DUTU URUPÚ-na [DU URUḪatti … DU URUZip]palanda D30 gēnuwa [ … ]

288 -- [ … ] … =kan gēnuwaza parā [ … ]

289 -- ZI-za=ma=wa [k]ēdani pedi [ … ]

290 -- nu=tta=kkan DALLATUM ZI-an [ … ]

291 -- [ … Ḫ]I.A-za=ma=wa kuin KASKAL-an DIB-mi

292 -- [ … -l]iš apēl IŠTU GIŠAL [ … ]

§ 39''

293 -- [ … ] ANA ZI LUGAL UGU likta

294 -- [ … A]NA NUMUN LUGAL-ya šer kiššan likdu

295 -- [ … ]

§ 40''

296 -- [ … ] ŠU=za ēpmi

297 -- nu=tta IŠTU MU'IRTI [ … ]

298 -- [ … ] … KUR URU GAM UL peḫḫi

299 -- nu=tta apē [ … ]-ḫi

300 -- nu UL kiššan mematti

301 -- [ … ]

302 -- [n]u ANA LUGALMEŠ DI-za UL šarazeškanzi

303 -- [ … G]ÙB37 uwanna UL mazatti

304 -- [ … ] … -in GUR-in teḫḫi

305 -- [ … ]

306 -- nu zik=ma :allallān [ … ]

307 -- [ … k]ēdani=ma meḫuni :allalān [ … ]

308 -- [ … ap]edani meḫuni GIŠIG DGAŠAN-ni [ … ]

§ 41''

309 -- [ … arḫ]aḫari=ma GÙB-la

310 -- nu=kan ÚŠ-an [ … ] ... -taizzi

311 -- zik=ma MUD BAL [ … ] … -aḫti

312 -- ŠA LUGAL :aplušan [ … ]-ti

313 -- ZI-ni=ta nakkīš

314 -- [ … ] … ḪUL ZI-za ēpti

315 -- [ … -i]zzi

316 -- ŠA mEḫli-LUGAL=kan [ … -n]andu

§ 42''

317 -- [ … -z]i

318 -- nu kiššan memai

319 -- [ … :a]llallā [ … ]

320 -- [ … ] … TA GIŠUMBIN [ … ]

§ 43''

321 -- [ … ] …